शीतलाष्टक स्तोत्र shitlastak stotra pdf download
शीतलाष्टकम् ।
श्रीगणेशाय नमः ॥
अस्य श्रीशीतलाष्टकस्तोत्रस्य महादेव ऋषिः, अनुष्टुप् छंदः, शीतला देवता, लक्ष्मीबजम्, भवानी शक्तिः, सर्वविस्फोटक निवृत्तये जपे विनियोगः ॥
ईश्वर उवाच ॥
वंदेऽहं शीतलां देवीं रासभस्थां दिगंबराम् ।
मार्जनीकलशोपेतां शूर्पालंकृतमस्तकाम् ॥ १ ॥
वंदेऽहं शीतलां देवीं सर्वरोगभयापहाम् ।
यामासाद्य निवर्तेत विस्फोटकभयं महत् ॥ २ ॥
शीतले शीतले चेति यो ब्रूयाद्दाहपीडितः ।
विस्फोटकभयं घोरं क्षिप्रं तस्य प्रणश्यति ॥ ३ ॥
यस्त्वामुदकमध्ये तु धृत्वा पूजयते नरः ।
विस्फोटकभयं घोरं गृहे तस्य न जायते ॥ ४ ॥
शीतले ज्वरदग्धस्य पूतिगंधयुतस्य च ।
प्रनष्टचक्षुषः पुंसस्त्वामाहुर्जीवनौषधम् ॥ ५ ॥
शीतलाष्टक स्तोत्र shitlastak stotra pdf download
![शीतलाष्टक स्तोत्र shitlastak stotra pdf download](https://kathahindi.com/wp-content/uploads/2023/12/indian-god-2890243_640.jpg)
शीतले तनुजान्रोगान्नृणां हरसि दुस्त्यजान् ।
विस्फोटकविदीर्णानां त्वमेकामृतवर्षिणी ॥ ६ ॥
गलगंडग्रहा रोगा ये चान्ये दारुणा नृणाम् |
त्वदनुध्यानमात्रेण शीतले यांति संक्षयम् ॥ ७ ॥
न मंत्रो नौषधं तस्य पापरोगस्य विद्यते ।
त्वामेकां शीतले धात्रीं नान्यां पश्यामि देवताम् ॥ ८ ॥
मृणालतंतुसदशीं नाभिहन्मध्यसंस्थिताम् ।
यस्त्वां संचिंतये हे वि तस्य मृत्युर्न जायते ॥ ९ ॥
अष्टकं शीतलादेव्या यो नरः प्रपठेत्सदा ।
विस्फोटकभयं घोरं गृहे तस्य न जायते ॥ १० ॥
श्रोतव्यं पठितव्यं च श्रद्धाभक्तिसमन्वितैः ।
उपसर्गविनाशाय परं स्वस्त्ययनं महत् ॥ ११ ॥
शीतले त्वं जगन्माता शीतले त्वं जगत्पिता ।
शीतले त्वं जगद्वात्री शीतलायै नमो नमः ॥ १२ ॥
रासभो गर्दभश्चैव खरो वैशाखनंदनः ।
शीतलावाहनश्चैव दूर्वाकंदनिकृंतनः ॥ १३ ॥
एतानि खरनामानि शीतलाग्रे तु यः पठेत् ।
तस्य गेहे शिशूनां च शीतलारुङ् न जायते ॥ १४ ॥
शीतलाष्टकमेवेदं न देयं यस्यकस्यचित् ।
दातव्यं च सदा तस्मै श्रद्धाभक्तियुताय वै ॥ १५ ॥
इति श्रीस्कंदपुराणे शीतलाष्टकस्तोत्रं संपूर्णम् ॥
( श्री राम देशिक प्रशिक्षण केंद्र )
भागवत-कथा,शिव-कथा, राम-कथा सीखने के लिए अभी आवेदन करें-
![शीतलाष्टक स्तोत्र shitlastak stotra pdf download](https://kathahindi.com/wp-content/uploads/2023/12/20230610_070626-1.jpg)